HomeNewsBreaking Newsవిజయవంతంగా జీశాట్‌-11 ప్రయోగం

విజయవంతంగా జీశాట్‌-11 ప్రయోగం

మెరుగుపడనున్న బ్రాడ్‌బ్యాండ్‌ సేవలు

బెంగళూరు: బ్రాడ్‌బ్యాండ్‌ సేవలకు ఊతం ఇచ్చే భారత అత్యంత బరువైన ఉపగ్రహం జిశాట్‌-11ను బుధవారం తెల్లవారుజామున ఫ్రెంచి గయానా నుంచి ఏరియన్‌స్పేస్‌ రాకెట్‌ ద్వారా ప్రయోగించినట్లు భారత రోదసి పరిశోధన సంస్థ(ఇస్రో) తెలిపింది. కౌరౌలోని ఏరియన్‌ లాంచ్‌ కాంప్లెక్స్‌ నుంచి భారత కాలమాన ప్రకారం తెల్లవారుజామున 2.07 గంటలకు ప్రయోగించారు. ఏరియన్‌-5 వాహకం జిశాట్‌-11ను నింగిలో కి ఎగిసిన దాదాపు 33 నిమిషాలకు కక్ష్యలో ప్రవేశపెట్టింది. ఈ ఉపగ్రహ ప్రయోగాన్ని దూర్‌దర్శన్‌ ప్రత్యక్ష ప్రసారం చేసింది. ‘…భారత్‌ మునుపెన్నడు నిర్మించని అత్యంత పెద్దది, బరువైన, శక్తివంతమైన ఉపగ్రహాన్ని బుధవారం ఏరియన్‌-5 ద్వారా విజయవంతంగా ప్ర యోగించింది’ అని ఇస్రో చైర్మన్‌ కె శివన్‌ ప్రయోగం ముగిసిన వెంటనే చెప్పారు. భారత్‌కు జిశాట్‌-11 ‘రోదసి సంపన్న ఆస్తి’ కాగలదన్నారు. ఈ ఉపగ్రహానికి 38 స్పాట్‌ బీమ్స్‌, ఎనిమిది సబ్‌ బీమ్స్‌ ఉన్నాయని, ఇది మా రుమూల ప్రాంతాలు సహా యావత్‌ దేశాన్ని కవర్‌ చే స్తుందని, దేశానికి 16జిబిపిఎస్‌ డేటా లింక్‌ సేవలు వం టివి అందిస్తుందని వివరించారు. ఇస్రో నిర్మించిన జిశాట్‌-11 అత్యంత బరువైనది. దీని బరువు దాదాపు 5,854 కిలోలు. ఇది తరువాతి తరం ‘అధిక నిర్గమాం శ’ కమ్యూనికేషన్‌ ఉపగ్రహం. 15 సంవత్సరాల కన్నా ఎక్కువ కాలం మనగలిగేలా ఇస్రోకు చెందిన ఐ-6కె బస్‌ కాన్ఫిగరేషన్‌తో దీనిని రూ పొందించారు. ఈ ఉపగ్రహాన్ని మొదట భూ సమకాలిక బదిలీ కక్ష్యలో పెడతా రు, తర్వాత భూస్థిర కక్ష్య(భూమధ్య రేఖకు 36,000 కిమీ. పైకి)లోకి ఎత్తుతారు. అన్ని కక్ష్యల పరీక్షలు పూర్తయ్యాక ఈ ఉపగ్రహం పనిచేయడం ఆరంభిస్తుంది. కె యు-బ్యాండ్‌లోని 32 యూ జర్‌ బీమ్స్‌, కెఎ-బ్యాండ్‌లోని 8 హబ్‌ బీమ్స్‌ ద్వారా భారత భూభాగం, ద్వీపాల వినియోగదారులకు ఈ జిశాట్‌-11 ఉపగ్రహం అధిక డేటా రేటు కనెక్టివిటీని అందిస్తుంది. బ్రాడ్‌బ్యాండ్‌ సేవల విషయంలో జిశాట్‌-11 కీలక పాత్ర పోషించనున్నది. ఏరియన్‌-5 వాహకం(ఫ్లయిట్‌ విఎ 246) జిశాట్‌-11తోపాటు కొరియా ఏరోస్పేస్‌ రిసెర్చ్‌ ఇనిస్టిట్యూట్‌కు చెందిన జియో-కొమ్‌ప్‌ శాట్‌-2ఎను కూడా ప్రయోగించింది. జియో-కొంప్‌శాట్‌-2ఎ బరువు 3,507.20 కిలోలు. ఇది వాతావరణం, రోదసి వాతావరణం పర్యవేక్షణ కార్యక్రమాలు నిర్వహించేలా రూపొందించారు.

DO YOU LIKE THIS ARTICLE?
Prajapaksham
Prajapaksham
Praja Paksham Telugu News (తెలుగు వార్తలు) offers the Latest Telugu News, Breaking News in Telugu (ముఖ్యాంశాలు) from Andhra Pradesh and Telangana. National News, International News Headlines in Telugu Daily. prajapaksham.in is flagship online website of PrajaPaksham Newspaper
RELATED ARTICLES
- Advertisment -
Google search engine

Most Popular

Recent Comments