రెవెన్యూ బిల్లులకు శాసనసభ ఏకగ్రీవ ఆమోదం

ప్రజాపక్షం/హైదరాబాద్‌ నూతన రెవెన్యూ బిల్లు, తెలంగాణ భూమి హక్కులు, పట్టాదారు, పాస్‌బుక్‌ బిల్లు- విఆర్‌ఒ రద్దు ,తెలంగాణ గ్రామ అధికారుల పదవుల రద్దు, పంచాయతీరాజ్‌ 2020 సవరణ బిల్లు, పురపాలక చట్టం 2020 సవర ణ బిల్లులకు శాసనసభ శుక్రవారం ఏకగ్రీవంగా ఆమో దం తెలిపింది. ఈ నెల 9న సభలో సిఎం కెసిఆర్‌ ప్రవేశపెట్టిన రెవెన్యూ బిల్లుపై శుక్రవారం సుమారు 4 గంటల పాటు చర్చ జరిగింది. అనంతరం సభ ముజువాణి ఓటుతో రెవెన్యూ బిల్లుతో పాటు మొత్తం నాలుగు బిల్లులకు ఏకగ్రీవంగా ఆమోదం తెలిపింది. బిల్లు ఆమోదం అనంతరం సిఎం కె.చంద్రశేఖర్‌రావును మంత్రులు, ఎంఎల్‌ఏలు కలిసి శుభాకాంక్షలు తెలియజేశారు.