అమెరికాలో వందలాది మంది భారతీయ విద్యార్థులు అరెస్ట్‌
వారిలో పలువురు తెలుగు విద్యార్థులు
సాయం చేయడానికి ముందుకొచ్చిన నాట్స్‌, ఆటా
వాషింగ్టన్‌: అమెరికా మిచిగాన్‌ రాష్ట్రంలో నకిలీ యూనివర్సిటీ బండారం బట్టబయలైంది. అందులో అడ్మిషన్‌ పొందిన పలువురు భారతీయ విద్యార్థులను యుఎస్‌ ఇమిగ్రేషన్‌ అండ్‌ కస్టమ్స్‌ ఎన్ఫోర్స్మెంట్‌ (ఐసిఇ) అరెస్టు చేసినట్టు విశ్వసనీయ సమాచారం. దీనికి సంబంధించి పూర్తి వివరాలు అందా ల్సి ఉంది. అయితే, మిచిగాన్‌ రాష్ట్రంలోని డెట్రాయిట్‌లో కొనసాగుతున్న యూనివర్శిటీ ఆఫ్‌ ఫర్మింగ్టన్‌లో అడ్మిషన్‌ తీసుకుని, తద్వారా పొందిన ధ్రువపత్రాలు బోగస్‌గా గుర్తించిన కస్టమ్స్‌ ఎన్ఫోర్స్మెంట్‌ డిపార్ట్‌ మెంట్‌ బుధవారం పలువురు విద్యార్థులను అరెస్టు చేసినట్టు సమాచారం. గురువారం ఉదయం అరెస్టు చేసిన వారిలో నలుగురు భారతీయ విద్యార్థు లు ఉన్నట్టు అక్కడి వర్గాలు చెప్పాయి. డెట్రాయిట్‌లో ఆరుగురిని, వర్జీనియా, ఫ్లోరిడాలో ఇద్దర్ని అక్కడి ఇమ్మిగ్రేషన్‌ అధికారులు అరెస్ట్‌ చేశారు. అరెస్టైన వారిలో భరత్‌ కాకిరెడ్డి, సురేశ్‌ కందాల, ఫణిదీప్‌ కర్నాటి, ప్రేమ్‌ రాంపీసా, సంతోష్‌ శామా, అవినాష్‌ తక్కళ్లపల్లి, అశ్వంత్‌ నూనె, నవీన్‌ ప్రత్తిపాటి ఉన్నట్లు సమాచారం.
కేవలం అమెరికాలో కొనసాగేందుకు వీలుగా ఈ యూనివర్శిటీలో అడ్మిషన్‌ పొందుతున్నారని యు ఎస్‌ సిటిజన్‌షిప్‌ అండ్‌ ఇమిగ్రేషన్‌ సర్వీసెస్‌ (యుఎస్‌సిఐఎస్‌) గుర్తించి తనిఖీలు నిర్వహించింది. తనిఖీల సందర్భంగా మొత్తం యూనివర్శిటీయే ఫేక్‌ అని బయటపడింది. మిడిల్‌ ఈస్ట్‌కు చెందిన పలువురు వ్యక్తులు ఈ ఫేక్‌ వర్శిటీని నడిపిస్తున్నారని, తరగతులు నిర్వహించకపోవడం, ఏ డిపార్ట్‌మెంట్‌ లో కూడా ప్రొఫెసర్లు లేకపోవడం వంటి అనేక విషయాలు తనిఖీల్లో బయటపడినట్టు తెలిసింది.
